picardisaille

langue et culture picardes dans l'arnitoile...dins un tchoin d'picardie sonme

02 décembre 2009

éch pan

Os vous raminteuvez ?...
dins ch'moés d'avri 2009, j'vous avoès inmné à Bayonvillers, ch'Poèyis d'chés Pêtcheus d'leune...
mon Inés, él biélle tchote bolindgère...
(dins zz'archives, avri 2009, mon chés pêtcheus d'leune)
bin inhui, os rtornons là-bos por vir tcheuire éch pan.

por vir miux chés photos, os clitchez édsur...

boulang_re1
cho, ch'est Inès...
four1
cho, ch'est ch'four... il est dins l'cour... ch'est un four à fu d'bos !
four4
cho, ch'est l'dgeule dé ch'four... infan l'porte...
bois1 bois2 bois3
por foère du fu, i feut dz'échpées aveuc du bos sè prins dins zz'haillures à msure...
feu3
éne tchote feulle éd papier jornau pi tout cho a prind in disse ésgondes...

fum_e2

jé n'raconte point d'tarabistoulle... i gno mie d'feumée sins fu !

feu7 feu8

du boin bos sè, i gno rien d'miux por queuffer... i n'minque pus qué ch'cot qui dvroèt s'queuffer à ch'tchoin dé ch'fu !

braises1

in darin coeup d'oel... ch'fu i s'meurt... i gno pus qu'des braises... cha vo t'ête éch monmint...

cendres4

ch'monmint d'inlver chés chindes por foère plache à ch'pan...

balayage2

pi d'passier un coeup d'ramon por équ'toute i fuche preupe... dins l'minme temps, l'caleur a s'in vo un tchot mollé...

test_farine

pasqu'un four éd trop coeud, ch'n'est dgère boin por él tcheuisson... alorse, o jette éne poégnie d'frain.ne én'ndins  : si qué l'frain.ne a rouchit sins breuler, ch'est qu'ch'est boin !

humidificateur

ah ouès !... i n'feut point t'oblier él l'ieu por métte un mollé d'heumidité lo-ddins : éne castrole rimplie d'ieu a seuffiro !

pain_attente2 pain_attente3

durant ch'temps-lo, ch'pan il o lvé minme bien gonflé... i gno pus quà ll'apporter dsur chés trétieux...

os n'treuvez point qué l'bolindgère all'o des biélles miches !... (chtolle-lo, j'ai point pu mé nn'impêtcher...)

fourn_e fourn_e3  fourn_e4

prinde éch pan sins qu'il értchèche... l'caressier tout duchmint pi aveuc éch rasoér li foère éd z'intailleures por qu'i vive pi qu'i craque...

fourn_e6 fourn_e7 fourn_e8

aveuc él pelle à long minche, chatchun treuvro s'plache... minme chés pans aux rogins...

cuisson1 cuisson2 cuisson3

lo, dins ch'four, l'magie a s'in vo s'métte in route... ch'pan i s'in vo gonfler... ch'pan i s'in vo s'colorer...

pain_cuit1

in tchot mollé pus tard, vlo ch'pan qui l'est tcheuit, qui sint boin, qui foèt saliver !

sortie_pain2 sortie_pain4 sortie_pain3

i gno pus qu'à l'sortir, pi l'foère tchèr dins l'man.ne.... sins oblier dé l'timbouriner à ch'tchul por vir si qu'i réson.ne... preufe qu'il est bien tcheuit !

boulang_re5

alorse, él bolindgère all'éro des bieux étchus... mais n'insoèyez point d'li voler... os éroètes des soucis aveuc sin tchien Stylo qui veille édsur elle !

Inès a foèt sin pan au levain aveuc és frain.ne à elle... qu'a vient d'sin blé à elle... qui pousse su ses terres à elle... des terres bio !

ch'est à Bayonvillers,  4 rue d'Marcelcave...

os puvez acater sin pan l'vindérdi au matin, à ch'martché d'Dury, dins chl'IME d'la Sonme, in fache d'Auchan d'où qu'os n'treuvarez point du pan dé l'minme qualité.

a vind sin pan eussi à s'cinse... tél : 06 80 94 08 42

a put s'foère sur écminde...

pi tous les jeudis éd 17h30 à 19h...

in minme temps qu'des lédjeumes tchultivés naturelmint...

n'mantchez point d'aller i vir...

Posté par dgiseus à 17:29 - Commentaires [3] - Permalien [#]

Commentaires

    Miam

    Hummm ça me donne faim ... un bon pain cuit à l'ancienne !

    Posté par Pol, 04 décembre 2009 à 10:14
  • Ch'Baveu,
    Tu m'as foait baver itou aveuc èt nerportache su ch'pan ! (ed plus què chti su chès paufes tiots canèrds qui nont po d'pleume !...) Non des zos ! A foait ein.ne paire d'énées qu'èj vouleu vire cht'affoaire-lo, pi lo, imache par après imache , j'a tout comprin ! Du coeup, j'va tâcher dm'y mette : foaire min pan à mi dins min four à bo ed no moaison, aveuc min bo à mi !
    Merci granmint min fiu !
    Chouo l'mucheu

    Posté par chouo l'mucheux, 04 décembre 2009 à 17:52
  • merci beaucoup

    Posté par jean granotier, 04 décembre 2009 à 17:53

Poster un commentaire