chés courts jours coére lo
Mercredi 5 dé ch'moés d'mars...
-2° à l'croésée, chés toéts tout blancs...
i gn'o point, il o tcheu des neiches...
cha i est, ch'froéd l'est r'nu...
j'ai point l'invie d'sortir.
In r'béyant dins m'boête à puches, j'ai déssatché tchèques photos dé zz'hivers darniers...
Chés neiches, ch'est bieu mais ch'est froéd... pi a s'colle tout partoute... à chés branques dé z'abes, à chés toéts...
Vraimint tout partoute, i feut juer dé ch'ramon... pi soin à chés glinchades !
Ch'est vrai qu'est bien bieu éne foés tcheu...
dins chés ch'risiers...
dins chés choques...
dins chés ponmiers...
dins chés grands abes dé ch'fond : chés grisards...
su chés toéts d'chés moèsons...
Tiens un noérmerle l'est passié dsu ch'l'écmin...
Il o deu croéser minou, ch'cot dé l'moèson... d'quoé qu'ch'est qu'is l'ont pu s'édviser ?...
Pi après, ch'est ch'brin habituel qu'toute i tchitte dins chés neiches... a n'resse janmoès bieu longtemps...
... seuf si qu'o sait s'déjoutcher à point'lette pi prinde él temps d'admirer.
viv'mint chés bieux jors tout d'minme !
Mariel ch'baveu d'Boves