L'boin.ne parole...
L'5 dé ch'moés d'join, vlo qu'jé m'sus vu don.ner l'boin.ne parole à chés nazus d'éne classe éd quatriéme à ch'collège éd la Providence à Anmiens...
... boin.ne parole in picard bien seur !
A l'seuite dé ch'flim "Bienvenue chez les Chtis"... zz'éfants is sé sont mis à baragouiner, à foére dé l'dravie pi seurtoute à toute mélinger... pinsant qu'is savoét'nt toute dé ch'picard qu'ch'étoèt putôt un tchot mollé d'n'importe quoé... is f'soèt'nt dé l'dravie quoé... mais conme dit min coepan Boulfro, i vut miux foère dé l'dravie qué rien du toute...
alorse j'ai té invitié por érmette tout cho dins ch'boin sins...
d'abord savoér cho qui sèt'nt, cho qu'o dit à leu moèson...
zès foère parler... point des pus aisiés... mais final'mint is parl'nt... in éfsant rigoler des foés ch'voésan... mais cha i est, leu attinchion all'est prins...
is sont contchis... is sont à l'écoute...
is pos'nt des tchestions, i feut toute leu asplitcher...
alorse, o leu asplique c'mint qué ch'picard il o dév'nu éne langue... o leu monte qué ch'picard l'étoèt l'langue d'chés prémiers roés d'France... un tchot mollé dé l'histoére d'Aucaussin pi Nicolette dins ch'Moéyan Age...
incroéyape, cha leu plaît... cha leu intérèche...
apprinde à écrire chés mots pou qu'a puche t'ête comprins...
apprinde à dire...
pi à lire...
apprinde à acouter, comprinde éne histoére... foère l'effort éd réponde à des tchestions in érprindant chés mots dé l'tchestion justémint...
un boin monmint aveuc des nazus d'tous les horizons... qu'os értreuv'rons dins éne preuchain.ne page aveuc chés jux picards.
ah ouès... quand qu'is m'voèt'nt, ch'n'est pus "Monsieur"... ch'est "ch'Mariel"...