sanmdi matin à Breteuil

Sanmdi 2 dé ch'moés d'eut

Jean Marie François i nous o trinés dins chés camps du coeté d'Breteuil dsu l'Noéye...

os étoèmes conme cho éne tchinzain.ne à avoér bravé l'pleuve qua nous miloèt à ch'tchoin dé ch'bos...

pi soin... ch'est qué ch'Jean Marie i vut qu'tértous i seuiche pi il acoute... ch'est por cho qu'il o importé aveuc li tout s'n atrintchillache éd sonorisachion... (aveuc un tchot rajout por chétolles qui s'pos'nt té des tchestions su ses érelles !... vir chés commintaires)

pi qu'i fuche dins l'campangne ou bien au rado d'un érmise... i s'fond bien dins ch'poèyisache...

conme i gn'avoèt des tchots nazus, i leu z'o racontié des tchotes histoéres éd nazus... des comptines...

o sé s'roèt cru dins l'classe infantin.ne... aveuc chés noms d'chés doégts pi dé ch'qui gno su nous brongnes... zz'éfants is l'étoèt'nt fin hureux d'répéter tous chés noms-lo...

après cho, i gno ieu d'z'histoéres éd bitardes, d'meule qua flotte, éd sant inj'lé, d'taïon.ne à chinoér bis pi à pus qu'éne dint, ed leu pi jé n'oblie...

cha o intéressé chés gins...

chés bidets...

chés vaques...

chés lédjeumes éd chés gardins...

chés taqu'rons...

ch'pus dur dins l'l'histoére-lo, cha o té d'grimper ch'crintchet qui nous inm'noèt dins chés bos... pi cha crachinoèt !

mais por nous érmette éd tout cho... l'Confrérie dé l'Fichelle picarde a nous attindoèt à midi... à Breteuil...

all'est point biélle la vie !...

Comments

[j marie françois]

Salut Ch'Mariel,
Ej rinte juste éd congès! Marci pour chu rportage! Est vrai qu'échl atrintchillage à mes eureilles, est foait pour communitcher aveuc chés E.T. qui veut't à tout prix appprin.ne éch picard, édvant d'invahir l'Oése septintrionale (qu'a leu san.ne, à ch'qu'i m'ont dit, un rudemint bieu poéyi!)
Adè: JMF

[Martine]

Ch'comprends rein mais les images sont sympas. C'est la ch'martine du ch'michel!

[delannoy]

j'cros chi qu'te berlures, ch'l'arnu !!!! te l'as pont arconnu ???? t'as pont vu que ch'tot un martien... un soucoupier d'eul planete Mars ainsin qui dit ch'Guss.. in pitit z'homme vart aux yux blus qui o kaiiu dins ches eteules dins un camp d'blé.. au mitan d'eul cambrousse.. . i oà ùmi sin traducteur d'zeur ses orellesz et pis i fait sins pus biau sourire pour nous faire accroire qu'in comprind chu qui nous conte... cha ^peut pont z'ête eul Jean Ma-ie... j't'i qu'ej connos y o des leunettes...

ches martiens i z'ont pont d'leunettes. .. i ming(tent des carottes.. mais amon d'eul planete Mars ches carottes alles sont varts...infin ch"'est cu qui m'contot min taïon Emile;. comme ch'tot un grand minteux bin j'i croyos à ses contes à ch'l'Emile.. .

D'minde donc au Jean Ma-ie si qu'i n'a pont connu min taïons..

adé ... Pierre Edlaleune

[ch'l'arnu]

Quo 'qu ch'est qu'il o dins ses érelles, min amisse Jin-Maro Francho. In
diro dés ballos 'd pale !
Ch'est ein casque audio espécial por miux intinde chés cinsiers dech
moédeu ?
Adé tertous
'Chl Arnu