Chés Wèpes à Contay

Un bieu jor éd juilet, à vrèpes, j'étoès dins ch'tchoin d'Contay... quand qu'min ziu l'o té attrapé par éne imache insout'nabe... infan troés imaches insout'nabes...

un pindu...

un pompin à bouque éd bistintchoin...

un c'minch'mint d'fu...

D'un coeup, ch'fu i s'éteint... brin jé m'bérlure : tout d'un coeup, ch'fu i s'étind...

Mais os sonmes récapis... chés pompins i sont lo... aveuc ch'matriel pi ch'l'atrintchillache...

...aveuc l'pus heute téchnologie : rimplissache éd chés sacs à salife qua s'ro rinvoée pér préchion dé ch'l'édsous d'bros su ch'saclet dsur éch fu...

Mais tout cho cho, cha resse bien artisanau... pasqué ch'fu i r'prind d'pus bielle...

Vu dé loin, ch'est l'apocalisse...

Ch'pipapompin i r'monte au fu...

Qué corache !... quand qu'toute i s'ro fini, i li feut l'médalle...

Mais i s'in vo-ti sé n'n'in satcher d'chés flanmes, dé l'caleur, dé l'feumée ?...

Mais ch'n'est point toute... vlo qué d'l'eute coeté dé l'reute, l'moèson a prind fu...

Tous chés gins is cor'nt por vir éd pus prés... mais nan, ch'n'est qué ch'fu d'bos dins l'l'écminée !...

Fu d'bos dins l'l'écminée in plein moés d'juilet ???

... mais nan, qu'os sonmes ti bêtes : ch'est ch'l'érflet dé ch'fu dins chés cassis...

In rév'nant à ch'fu d'prairie, ch'est l'apocalisse...

ch'est éne vision d'infer...

ch'est estratérresse...

ch'est éne rinconte dé ch'troézinme bon.nhonme...

Tiens... un violon !...

Tiens... un jueu d'pipasso !...

Tiens éne violon.nisse pi un jueu d'pipasso qui jut'nt insan.ne !...

Mais alorse... ch'n'est point l'apocalisse !... ch'n'est point l'rinconte dé ch'troézinme bon.nhonme...

ch'n'étoèt final'mint qué ch'fu d'ous qu'os avons ieu droét après ch'répillet d'chés conteus à Contay l'4 dé ch'moés d'juilet...

Os avouerez tout d'minme qu'i gno un coeté diabolique dins tout cho !... Ah ! Ah ! Ah !....

Comments

[mickey]

bé c'est pas à la saint jean qu'on fait cramer un machin ? les valeurs se perdent !!!! avant c'était après la foire

[ch'l'ernu]

Formidabe min garchon, em vlo infint ein boin étindeu 'd méteu 'd fu
Adé
Philippe

[cattiaux maurice]

Ch'est bin boen tout cha ... Je n'd'ai incor mes barrew d'gaiolle qui flageollent ! ... mes bo-i-aux d'chervelle tout à l'inverse ... mes bo-i-aux d'panche tout incrinkeu l'z'uns dins l'z'aut !Cha foait du boucan lo d'dins ... Ch'est rin dé l'dire !Heureus'mint cha finit bin ... Infin, y n'd'a un qu'y est toudis pos bin pasque j'l'ai r'vu dins d'zaut' avintur' aveuc eune leumière sus s'tiète pis s'boite à souffe sous sin bros ! ... y n'd'est toudis pon r'mis !Quind au crinquon ... y crinque toudis ! Pis cheulle tiote al est toudis fin bénache ! Meume qu'al s'avinture dins des cawtes érotiques ! Pauf' tiote ! Cordialement ... Adé, Bê
maurice