Un diminche mon chés Dgiseus

Diminche 21 dé ch'moés d'septinme...

à Boves, pratiqu'mint à point'lette...

a c'minche à bouger...

Chés Dgiseus is s'érgroup'nt à ch'terran d'fotbale... is vien.n'nt à pied, à vélou, in voéture...

D'un coeup, éne carette à mouilles a find la bise...

... un super pléboé, sin bros délicat'mint passé à l'portière, i foèt sin fiértchul...

Os né l'l'arcon.naissez point lo tout auréolé d'leumière ?...

Ch'est li ch'l'invitié d'hon.neur à ch'barbatchul d'chés Dgiseus aveuc Pascale sin Blanc-bon.net...

i vo s'éjuer à l'dgise aveuc nous z'eutes pi matcher aveuc nous z'eutes, boére un coeup aveuc nous z'eutes pi s'éjuer à ch'jav'lot aveuc nous z'eutes...

Bon, lo os l'voéyez miux : ch'est ch'Lafleur in parson.ne qui s'in vo foère bouger sin corps...

... pi à prémière vue, sin tchul pa l'minme occagion...

Béyez cho tchelle élédginche... qué bieu geste... nérvux conme un jon.ne bidet...

Geste parfait conme o z'in voét rar'mint à Dgise dins z'Abes...

Conme quand qué ch'Ludo il est in forme... minme après avoér passié s'neuit à Groland aveuc chés Djeuledvavk...

Mimimouse, ch'Lafleur, ch'Ludo pi mi ch'Baveu d'Boves os avons mis éne détchulottée du diape à l'eute étchipe inm'née par Titine él Routchine, ch'Minique, Monmarirené, ch'Michel pi Tchote Gadoux...

Cho foèt, os z'ons r'tornés mon ch'Présidint pou ch'l'apéritif...

Quand qué ch'fu l'o té prêt, cha o té ch'tor éd chés seuchisses pi d'chés brochettes...

... pi tértous, os nous sonmes értreuvés à tabe por rimplir nous panches in buvant un boin tchot coeup...

Minme éch tchot cot dé l'moèson, Minou IV, il o té dé l'fête... aveuc Mimi qu'ch'est éne fenme à cot... L'histoére a n'dit point si qu'il o foèt conme éch cot dé l'Tchote Margot d'Tchot Georges !

Après, nous panches bien rimplies, os avons sorti éch ju d'jav'lot pi os avons intamé un concours d'infér... mais a s'ro pou ch'preuchan coeup...

Comments

[mickey]

c'est bien ce que je dis, tu as encore trouvé une occasion pour trinquer et minger !!!!