Nazus in Campangne
Octobe 2008... dins ch'début dé ch'moés...
quand qué ch'solè il étoèt coére lo... à queuffer l'coén.ne éd chés gins...
quoé qu'ch'est qu'is foèt'nt chés nazus, ragrinés à l'intor dé ch'Baveu d'Boves...
in reute à leu foère montrer o n'sé quoé !
des nazus aveuc leus criyons... qui l'écriv'nt dsur éch dous d'leus coepans...
in nsous l'ziu réjoéyé d'Maud éch professeu d'Français...
Mais eussi in nsous l'ziu con.noèsseu d'Caroline, leu professeu d'biologie...
Cho qui l'attrire chés nazus pi leus profs, in soé, ch'est l'nature...
mais l'nature un tchot mollé bizérre !...
zz'abes tcheus... zz'abes treués... zz'abes à drôles éd fonrmes...
Mais eussi chés treus d'ieu d'où qué ch'cié i s'mile... ieu bleue ou bien ieu noére...
ieu qu'a s'pérd dins zz'intalles, dins chés rosieux...
à sé d'minder adoù qu'a vient ?... adoù qu'a vo ?...
Ch'est cho qui leu ploèt à chés nazus... portant, est bieu dins l'Riserve naturelle éd Boves...
is r'vinront lo... ch'est seur...
mais au boin temps... quand qu'la nature all'éro r'prins s'biélle habillure...
por miux con.noète és'n histoére !