chés Hortillonnages (2)

Os sonm's rintrés in pleinn' froédur'
Pleuf' pi neich's as nous tchèt'nt édsur
Qu'est-ti boin, au rado, d'érvir
Zz'imach's qua nous f'soèt'nt sitant rir'...

Ch'est vrai cho, r'béyer d'z'imaches d'chés hortillonnages, jusse pour foère un piéd d'nez à ch'cié gris qui nous prind...
seurtoute si Tchot Doére David i nous acompangne aveuc ch'l'introduc.chion dé s'n oeuve in vers :

"Chés Hortillonnages"...

I gno, da nou départémeint,

A ch’ciel grisaille, à l’air humide,

Pis partagé si geintimeint

Pa l’Sonme à l’allur’ fan timide

Qui, tout d’bit-en-bout, roul’ ses ieux,

Aussi verd’s qu’est verde l’Nature,

I gno ein coin rétus, joyeux,

Ch’pus bel ornémeint de s’parure.

Ch’est lo qu’ jonn’s geins, einter-deux, viux,

Vienn’nt-e se r’poser sous ch’s ombrages,

Goûter l’douch’ fraîcheur par chés riux

Tant nombreux d’nos hortillonnages.

Gardan flori, vrai paradis,

De l’vill’ d’Anmiens, boinn’ mèr’ norriche,

J’vourois, par mes acceints hardis,

Foire r’luquer t’ bieuté si riche.

Poète, accouteinmé d’canter,

Cho n’ein vaut l’ pangne, accorde t’ lyre ;

Ein sons vibrants fois éclater

Chés trainsports de t’n ânme ein délire.

Tchot Doére David

Chés Hortillonnages (1900)

Pi conme all'dit Tchtchotte dé l'Tcheue d'Vaque :

"Qu'o z'est ti bien quand qu'o z'o point d'mau !"

Comments

[chtinoeil]

Salut Ch'mariel, nouveau blog, je viens te faire un ptit coucou.
les hortillonages, on adore évidemment, tout picard devrait y laisser une part de coeur dans les méandres et les jardins.
Cherche j'y ai mon canard là bas !
A bientôt