ch'étoèt l'fête éd la nature

sanmdi 16 mai 17H
à Fignières - canton d'Montdidier
ch'étoèt ch'grand rassimblemint...

Nan, chés gins is n'sont point lo por chés conmeunions... is sort'nt dé l'église Sant Nicolas d'Fignières d'où qué ch'Bvaeu d'Boves is leu o parlé dé ll'église biéseur pi d'Sant Nicolas pi d'Sante Thérèse...

après cho, is sé sont rassimblés à ch'camp d'soéle d'où qué ch'Mariel is leu o racontié l'histoére éd Manme Wable, él pus vieuse pinsion.naire dé ch'camp d'soéle qua l'est née in 1750... un sapré voéyache !

lo, os sonmes arrivés à l'Montagne éd Fignières pi cho qu'os voéyez, ch'n'est point un dahu : ch'est camille dé ch'conservatoére qua l'o tout dit su chés plantes pi chés bétals qui viv'nt su ch'larris.

à msure, ch'Baveu i ranmnoèt és sciénche in disant éne tchote bêtisse conme par éximpe "cmint cacher l'bitarde ?"...

ch'est seur, i nn'o un qui n'acoutoèt point !

pi à l'tcheuleuleu, os avons déchindu ch'larris...

os avons rincontré dz'écnilles pi dz'orchidées pi dz'eutes trucs qu'Tonton i n'o point prins in photo... qué beudet chti-lo !

chés gins is l'ont ieu grand ploèsi à acouter Titine él Routchine pi ch'Baveu d'Boves leu racontier des drôles d'histoéres : dz'histoéres éd tchurés qui sé batt'nt aveuc éch diape, dz'histoéres éd soeurettes (fées) pi dz'histoéres éd bréilloères magiques...

mais i nn'o coère ieu un qui n'o point acouté... ch'preuchan coeup, os frons éne intérro écrite nan mais !

après l'apéro, chés seuchisses-frites-van rosé-tarte, os avons rbéyé zz'étoéles dins l'neuit mais conme étoèt nuageux, os zz'avons vues dsur un écran... pi os avons té foère él cache aux papillons aveuc éch Maurice, ch'gadrouilleu d'troube...

mais conme i fsoèt froéd pi qu'i drachoèt fin, chés papillons is n'étoèt'nt point légion !

mais cha o té éne boin.ne jornée tout d'min.me !

Ah ouès !...

sanmdi 6 dé ch'moés d'join 2009

os puvez vnir à l'fête dé ch'Marais dé l'Tcheu à Blangy-Tronville... i gnéro plein d'atéiers pi i gnéro eussi du picard dins ch'marais aveuc ch'Baveu d'Boves pi Titine él routchine...

ch'programme il est lo in'nsous édman...

à s'vir

Comments

[laurent donnet]

Bonjour,
Super le site !!
serait t-il possible d'obtenir une copie des textes utilisés lors de la fête de la nature de Fignières ??
Merci
Amitiés picardisantes
Laurent DONNET - Adjoint au maire de fignières
euch'gros plin d'poéls

[j-m moreau]

excellent surtout la bitarde,
lors du festival de l'oiseau en Baie de Somme , à l'occasion des ateliers pédagogiques d'Abbeville pour ces juniors, j'ai fait peindre des oiseaux aux enfants avec des pochoirs sur des tranchoirs; cigogne, avocette, bernache, ou poules. Un enfant à remarqué une bitarde crayonné sur un tranchoir en bois dans mon fouilli de peintre..
Je lui ai expliqué que j'avais préparé des pochoirs pour leur faire peindre ce drole d'oiseau, et que soudain, justement une bitarde est entrée dans la cuisine où je préparais ces pochoirs tout exprès pour vous les enfants, elle s'est emparée des pochoirs et s'est sauvée avec...
a tout vous dire, ces p'tiots n'ont pas gobé une seule de mes paroles, sauf un adulte ou deux qui n'écoutait point comme il faut...!!!!