Sérée picardisante Boves 2008 5ème édition
Ch’Tchoin minteu
Ene histoére proposée par Yves Jumel pi adaptée par Mariel Demaye
Tchot Phonse il est bistrotchet à ch’Tchoin minteu… i voét passier tous chés gins après ch’martché…
Just’mint vlo Toénette, Juiette pi Monette qua rint’nt boére un jus. As s’mett’nt à canter " Viens don boére éne goutte éd jus…
In pusse dé ch’jus, pou leu récoeuffer, as s’in vont boére éne tchote bistoulle… cha leu don’ne du tchoeur pi as c’minch’nt à racontier d’z’histoéres mais eussi à dématcher su zz’eutes… ichi su Vévette…
Vévette all’arrife just’mint aveuc un bieu cocard vu qué s’n honme i li o mis éne ramonch’lée… cha n’artir’ro rien à leu boin’ne humeur…
Chés fenmes as s’in vont pi ch’est Tchot Jules pi Tchot Mond qui radin’nt…
Aveuc Tchot Phonse, chés canons d’rouche is s’in vont défiler… mais soin à n’point s’tchitter prin’ne au piège pa Tchot Doére qui boét tours à ch’compte dé zz’eutes…
Vlo Tchot Doére qui l’arrife. zz’eutes is foèt’nt conme si qu’is né l’l’avoèt’nt point vu…
Final’mint Tchot Doére qu’il est malin conme éne fwan’ne, grâche à un superfuge, i boét à leu compte… chés tornées as défil’nt éd pus bielles sins compter zz’histoéres abracadabrantes : à ch’ti qui diro l’pus bête, qui mintiro l’pusse.
Mais Roberte, l’fenme à Tchot Mond a s’in vo biétôt év’nir racacher sin ferlapier à coeups d’rolieux à pâtiss’rie : zz’eutes accoudeus d’comptoér, is né d’mind’nt point leu resse...
aveuc
Isabelle Martin dins ch’rôle éd Monette
Régine Gadoux dins ch’rôle éd Juiette
Colette Bonnay SV dins ch’rôle éd Toénette
Elodie Renaux dins ch’rôle éd Vévette
Colette Bonnay C dins ch’rôle éd Roberte
Yves Jumel dins ch’rôle éd Tchot Phonse
Mariel Demaye dins ch’rôle éd Tchot Jules
Stéphane Fouré dins ch’rôle éd Tchot Mond
René Waquet dins ch’rôle éd Tchot Doére