Réeunion d'chés Dgiseus d'Boves à Famechon

Réeunion d’chés Dgiseus d’Boves mon Mimimouse pi Monmériréné à Fam’cho Ailly l’Heut Clotcher sanmdi 26 d’avri…

Du trahal… tours du trahal… coére du trahal…

A quate heure d’érchinée, l’séinche a s’met in plache… Titine él Routchine pi Mimi as distchut’nt éd toute pi dé rien durant qu’tchote Gadoux a s’éparpile aveuc tchéqu’un d’eute…

Mais os sonmes lo por parler dé l’sérée " Hommage à Tchot Jacques Varlet " qu’os méttons in plache él sanmdi 4 d’octobe 2008 à l’salle éd fêtes éd Boves…

L’Baron.ne dé ch’Catieu d’ieu a prind con.noèchinche éd chés poinmes…

Pi a n’i coeupe point… a s’lanche por éne prémière lirie aveuc Mimi qu’all’acoute aveuc tout sin sarieux…

Pi ch’est l’tor à Tartagrosbords… applitchée conme quand qu’all’étoèt nazuse, a seuit s’lingne aveuc sin criyon…

Ch’Mariel i r ‘prind tout cho in man : " Mais vingt diux d’vingt diux… ch’est conme cho qu’i feut dire !… "

Mimimouse a prind des notes pou n’pus s’foère agonir… pi cho cha o l’air d’anmeuser Pupuche…

Bon, i n’feut point d’trop foère queuffer chés chervelles, seurtoute chétolles éd chés fenmes… ch’est parti pour éne peuse… un tchot mollé d’calories pi tchèques chintimètes éd pusse à leus tchuls, a n’leu foèt point peur à nous fenmes…

…pi i gn’in n’o point éne pou démonter l’eute… ch’n’est point Mimimouse pi Pupuche qua diront l’contraire…

infan, point pusse tous chés fenmes dé l’l’achuchon…

Après l’tarte pi ch’chide, s’panche bien rimplie, os puvons érprinde l’étude éd chés textes à Tchot Jacques…

Sins rigoler, ch’est du sarieux… i gn’o qu’à vir l’Baron.ne pi Titine…

Ch’Mariel il écrit tout cho qu’i n’vo point pi i marque chés noms d’chétolles qua n’seuit’nt té point conme i feut… Tchote Gadoux a s’in vo avoér des lingnes à copier à forche éd rigoler aveuc és’voésangne…

" Ah nan, ch’Mariel, tu n’t’in vos point foère cho ! " qu’a san.ne dire Mimimouse…

Chés files Andrieux as l’acout’nt … infan l’Titine, pasque l’Baron.ne a s’in vo érjoinde Gadoux in rét’nue après l’séinche si qu’a rigole conme cho…

Tout d’un coeup, Pupuche all’o éne idiée leumineusse…

Mais a n’vo dgère durer pasqu’a s’rindort rondibilis tindisse qué ch’Maristér éd Sain.n’ville i sort éd l’ombe…

Por foère él zigoto conme à s’n habitute… hé ! ch’est éne sérée Jacques Varlet… point éne sérée John Lennon…

Bon, si ch’fiu i s’i met li eussi, j’croés bien qu’i vut miux finir ichi l’prémière réeunion pi pinsier à boére un tchot apéritif…

os nous értreuv’rons dins tchinze jors mon Gadoux à Anmiens por trahaller un boin coeup ch’coeup-chi…

Comments

[mickey]

j'avais bien noté que tu avais mangé le "a" de ch'diabe !!!

[ch'mariel]

j'réc'minche... i gn'avoèt éne feute pi por ti mitchey, éroèt té dur à comprinde...

tu c'minches don à comprinde nou lingache min brave mitchey... l'est temps !
os n'sarvons point qu'du jus d'rogin viusi... i gn'o du chide, du thé, du jus, éd ieu, des jus d'freuits... pi tout ch'diabe sins train...
adé
ch'baveu d'boves

[ch'mariel]

tu c'minches don à comprinde nou lingache min brave mitchey... l'est temps !
os n'sarvons point qu'du jus d'rogin viusi... i gn'o du chide, du thé, du jus, éd ieu, des jus d'freuits... pi tout ch'dibe sins train...
adé
ch'baveu d'boves

[mickey]

j'ai tout compris (bon j'ai mis le temps et j'ai lu à haute voix mais j'ai tout compris) : z'êtes des amis qui travaillent dans la joie, la bonne humeur et la convivialité au max, et pour souder tout cela vous utilisez du jus de raisin vieilli à point et une petite galette le cas échéant

[ch'mariel]

orgiaque !!!... à coeuse don orgiaque ?... os sonmes des gins qui savons nou t'nir... ch'n'est point pasqu'i gn'o éne photo posée aveuc un verre dins nous mans ou bien à nous bouques qu'os sonmes éd z'alcooliques...
os f'sons du trahal sarieux dins nous réeunions... pi si qu'a s'finit à l'intor d'éne tabe por mier pi boére un coeup... ch'est à coeuse qu'os sonmes éne étchipe sodée, éne binde éd coepans qui sont bien intér eux, tértous insan.ne.... aveuc, éj vux bien l'dire, un tchot coeté rab'laisien...
tu voés min boin mitchey... os n'avons point d'soin d'échtcheuses pou nous foére du bien...
@ s'vir picard éxilé qui l'o pardu ch'nord...
ch'baveu d'boves