Terre de Bray

Armentières...

Nan point dins ch'Nord... dins l'Oèse... dins ch'Poèyis d'Bray...

Armentières...

Poèyis d' terre... Poèyis d'potiers...

à Armentières...

I gno Auguste DELAHERCHE (1857-1940)... con.nu dins ch'monde intier por ses biélles chéramiques...

Armentières...

Poèyis d'Pierre PISSAREF... potier con.nu pi ércon.nu... (j'ai point décaché d'photo dé ch'paure honme).

Os sonmes dins ch'XIXinme sièque.

Auguste DELAHERCHE il est adossé à sin four...

Cho, ch'est l'l'écminée qu'o put coére vir in passant dins l'rue...

D'l'eute coeté dé l'rue...

I gno Pierre PISSAREF... il est voésan aveuc Auguste. Is sont in reute à berdler...

D'un coeup...

is s'arrêt'nt : intér eux, éne carette éd feurre, tirée par un gvau, a déchind l'rue...

Ch'est l'carette à Philéas LEBESGUE...

Philéas LEBESGUE, ch'Poète laboureu (1869-1958)...

Ene histoére simpe os allez dire...

mais vlo, l'carette all'est tirée par un gvau pi i gno mie d'cocher... In l'vant leus ziux, ché potiers is voèt'nt Philéas, joutché dins l'feurre, in reute à foère prangère...

ch'l'egvau i connoèssoèt ch'l'écmin par tchoeur... Auguste i dit tout bêt'mint à Pierre :

"Béye... vlo nou poète laboureu qui rinte à s'moèson !"

Feut dire équ'Philéas LEBESGUE il écrivoèt tout l'neuit durant pi i dormoèt quand qu'i povoèt... porquoé point dins s'carette !

Ene grande trinche éd vie... un grand rindez-vous aveuc l'Histoére éd la Picardie !

(rapporté pa ch'Flipe Boulfro)

Comments

[Niouchka]

J'ai connu Pierre Pissaref, le plafond de l'atelier n'était que toiles d'araignées, un personnage, fabriquant sa vodka lui-même, combien de fois ressortie de chez lui complètement paf. Un maître en décoration sur faïence (sur émail cru).

Votre blog est truculent, :-)



Bravo à vous.